NI vigumu kuamini kilichotokea lakini
ndivyo ilivyokuwa! Mtoto Christian Alex (6) ameuawa kikatili kwa kuliwa
na mbwa wanaodaiwa kuwa ni wa Ubalozi wa Qatar nchini Tanzania
unaoongozwa na Balozi Jassim Mohammed Mubarak Daruwesh.
Tukio hilo la kusikitisha lilijiri Machi 26, mwaka huu Jangwani Beach,
Kunduchi jijini Dar es Salaam ambapo mtoto huyo alishambuliwa na mbwa wa
kigogo huyo alipokuwa na baba yake jirani na nyumba hiyo ya kupanga
yenye nyumba nyingine mbalimbali (apartment).
MAELEZO KWA UFUPI
Inaelezwa kuwa, baba wa marehemu pia anaishi kwenye moja ya nyumba hizo
akifanya kazi ya kutunza mazingira endapo mpangaji mmoja anahama. Wote
wanaoishi humo wanatumia mageti mawili tu, kuingia na kutoka.
Mama wa mtoto Christian Alex akiwa amezimia wakati mwili wa mwanae unazikwa
BABA WA MAREHEMU ASIMULIA
Akizungumza na gazeti hili kwa majonzi kwenye msiba uliogubikwa na
vilio na simanzi, baba wa mtoto huyo aliyejitambulisha kwa jina la Alex,
alisema siku ya tukio yeye alikuwa akitoka nje ya nyumba anayoishi
katika ‘apartment’ hizo, lakini ghafla nyuma yake alisikia kelele za
mwanaye.
“Kwa kawaida ili utoke lazima uwe makini, kwanza ujue mbwa wako wapi?
Nilipotoka nikiwa nawaangalia walipo, mara nikasikia kelele mtoto wangu
analia, nilirudi haraka, nikamkuta mwanangu anashambuliwa na mbwa watatu
huku tayari akiwa na majeraha makubwa.
Mazishi ya Mtoto Christian Alex (6).
“Ilibidi nimng’ang’anie mtoto ili kumwokoa ambapo pia niliokota jiwe
kutaka kuwapiga, wakataka kuondoka lakini wakarudi tena na kumvamia.
“Hapo ndipo ilikuwa shughuli kwani walimfumua utumbo, wakazinyofoa
sehemu zake za siri na kuziingiza midomoni huku kisogoni wakimtia kucha
kali mpaka kumtoa ngozi.
“Wakati kitendo hicho kinaendelea huku nikishuhudia kwa macho, yule
balozi akawa anaingia ndani, akawaamuru mbwa wake waache, walitii amri
hiyo lakini hali ya mtoto wangu ilikuwa mbaya sana, akawa hasemi wala
hapigi kelele tena za kuomba msaada,” alisema baba huyo huku akimwaga
machozi. Inauma sana!
Mtoto Christian Alex baada ya kujeruhiwa na mbwa wa ubalozi wa Qatar.
Akaongeza: “Mpaka sasa siamini kilichotokea, nashindwa hata niongee
nini, ninachoweza kusema ni kwamba mwanangu Christian nilikuwa nampenda
sana kama vile ninavyompenda mwanangu mwingine, Sabina.
“Nahisi ukiwa baada ya kupoteza mtoto wa kiume niliyekuwa namtegemea.
Itanichukua muda mrefu sana kusahau kile nilichokiona kwa macho yangu.
Nimeshuhudia mwanangu akishambuliwa na wala sikusimuliwa na mtu.”
Mazishi yakiendelea.
KUMBE TAHADHARI ILITOLEWA
Baba anaendelea kusimuliza: “Kinachoniuma zaidi ni kwamba, nilishatoa
angalizo tangu mwanzoni wakati huyu bwana anahamia kwenye nyumba hii.
Nilimwambia mwenye nyumba amwambie huyu awajengee banda mbwa wake
lakini wakapuuzia.”
ADAKTARI WALIVYOSEMA
Baadhi ya majirani walifika eneo la tukio na kukuta sakata hilo
limefikia hatua ya mbwa kutii amri ya bosi wao na kurudi kwenye maskani
yao.
Walimchukua mtoto huyo na kumkimbiza kwenye Hospitali ya IMTU iliyopo
Mbezi, Dar ambapo madaktari walisema alishafariki dunia kitambo.
VILIO VYATAWALA
Baada ya kuzinyaka taarifa hizo, haraka mwandishi wetu alifika eneo la
tukio muda mfupi baada ya mtoto huyo kupelekwa hospitali na kushuhudia
vilio vikitawala kwa kila jirani aliyepata taarifa za kifo hicho cha
kusikitisha.
MAJIRANI WASIMULIA
Wakionesha jinsi walivyoumizwa na tukio hilo, baadhi ya majirani
walisimulia jinsi mbwa hao wanavyowatishia amani katika nyumba hiyo
ambapo tangu kigogo huyo ahamie ndani ya nyumba hiyo wamekuwa watu wa
kujifungia siku nzima wakihofia mbwa hao wakali.
“Jamani huyu mtoto kafa kifo kibaya sana, mbaya zaidi mbwa hawa wamekuwa
tishio kiasi cha watu kushindwa kufanya shughuli zao za kila siku.
“Mbwa huwa hawafungiwi kwenye banda, labda ingekuwa hivyo wasingefanya hivi,” alisema jirani mmoja huku akilia bila kikomo.
POLISI WALIVYOFANYA
Paparazi wetu alipojaribu kuingia ndani na kwenda kuongea na balozi
huyo, askari waliodaiwa ni wa Kituo cha Polisi Kawe jijini Dar walitia
ngumu huku ikidaiwa kuwa maelezo waliyoyaandika ni mmiliki wa mbwa kuwa
mzembe kwa kuwaachia mbwa kudhuru binadamu.
MAMA MZAZI AZIMIA
Maria Mvile, mama mzazi wa marehemu Christian kwa sasa yupo katika hali
mbaya tangu mkasa wa kushambuliwa mwanaye na mbwa hao utokee ambapo
amekuwa akizimia mara kwa mara.
Mwandishi wetu alimshuhudia mama huyo akishindwa kuweka shada la maua katika kaburi la mwanaye kwa kuanguka na kuzimia.
MAZIKO
Safari ya mwisho ya mtoto Christian ilifanyika kwenye Makaburi ya
Mburahati, Dar es Salaam ikitanguliwa na misa iliyosomwa na Katekista wa
Kanisa Katoliki Mburahati, Owen Hokororo.
Kamanda wa Mkoa wa Kipolisi Kinondoni, ACP Camillius Wambura
amethibitisha kutokea kwa tukio hilo na kukiri kuwa ni nyumbani kwa
balozi wa Qatar nchini.
Mungu ailaze roho ya marehemu mahali pema peponi. Amina.
GPL
Baada
ya kukutana na viongozi wa vyamba mbalimbali vya upinzani Tanzania na
kuzungumzia ishu ya bunge la katiba, iliamuliwa kwamba katiba ya zamani
ndio itakayotumika kwenye uchaguzi mkuu ujao ila itafanyiwa marekebisho.
Kama
mfuatiliaji wa mitandao ya kijamii kuanzia usiku wa July 21 kulisambaa
taarifa na picha zinazoonyesha viungo mbalimbali vya binadamu ambavyo
vilitupwa katika daraja la Mpiji.
Baraza
la mitihani la taifa leo limetangaza matokeo ya Watahiniwa wa Kidato
cha 6,kama ulifanya mtihani wa kidato cha 6 basi waweza cheki matokeo
hayo hapa hapa kwa mtu wako wa nguvu.
Baada
ya kuripotiwa kuwepo kwa mabadiliko ya noti ya sh. 500 ambayo itaacha
kutumika siku chache zijazo nchini Tanzania na mbadala wake kuwa sarafu
ya shilingi 500, Watanzania mbalimbali wamekuwa na wasiwasi na taarifa
hiyo pamoja pia na kuamini uchumi wa nchi unaanguka. 
‘Noti
ya 500 imeonekana inachakaa sana ndani ya miezi 6 kutokana na kuwa na
mzunguko mkubwa ikilinganishwa na noti nyingine na haipitii ule mfumo wa
kawaida wa kibenki kurudi benki kuu kwa ajili ya kuibadilisha,
tulitarajia Mwananchi anapokwenda bank kupeleka pesa zake basi na 500
iwe miongioni mwa hizo pesa ili tuzibadilishe kwa kutoa noti mpya ambazo
tunazo benki kuu lakini haijawa hivyo’
Mama wa mtoto Christian Alex akiwa amezimia wakati mwili wa mwanae unazikwa
Mazishi ya Mtoto Christian Alex (6).
Mtoto Christian Alex baada ya kujeruhiwa na mbwa wa ubalozi wa Qatar.
VILIO VYATAWALA 
